Пение на глас. Напевки малого знаменного распева
Глас 1
Тропарь Блгоявлению, глас 1
Во Иордане крещающуся Тебе, Господи,/ Троическое явися поклонение:/ Родителев бо глас свидетельствоваше Тебе,/ возлюбленнаго Тя Сына имену́я,/ и Дух в виде голубине,/ извествоваше словесе́утверждение./ Явлейся, Христе Боже,// и мир просвещей, слава Тебе.
Глас 2
Тропарь св. Андронику и Савве, глас 2
Плоды добродетелей на земли принесше,/ преподобнии отцы, Андрониче и Савво,/ в Небесных чертозех ныне благоухаете, яко райстии цвети,/ и зрите Пресвятую Троицу,/ Юже дерзновенно молите // спастися душам нашим.
Глас 3
Тропарь св. Димитрию Донскому, глас 3
Велика обрете в бедах / тя поборника земля Русская,/ языки побеждающа./ Якоже на Дону Мамаеву низложил еси гордыню,/ на подвиг сей прияв благословение преподобнаго Сергия,/ тако, княже Димитрие,/ Христу Богу молися // даровати нам велию милость.
Глас 4
Тропарь Рождеству Христову, глас 4
Рождество Твое, Христе Боже наш,/ возсия мирови свет разума,/ в нем бо звездам служащии,/ звездою учахуся,/ Тебе кланятися Солнцу Правды,/ и Тебе ведети с высоты востока // Господи, слава Тебе.
Глас 5
Тропарь Божией Матери пред образами Её «Семистрельная», «Умягчение злых сердец», глас 5
Умягчи наша злая сердца, Богородице,/ и напасти ненавидящих нас угаси,/ и всякую тесноту души нашея разреши,/ на Твой бо святый образ взирающе,/ Твоим состраданием и милосердованием о нас умиляемся,/ и раны Твоя лобызаем,/ стрел же наших, Тя терзающих, ужасаемся./ Не даждь нам, Мати Благосердная,/ в жестосердии нашем и от жестосердия ближних погибнути // Ты бо еси воистину злых сердец умягчение.
Глас 6
Царю Небесный, глас 6
Царю Небесный, Утешителю, Душе истины,/ Иже везде сый и вся исполняяй,/ Сокровище благих и жизни Подателю,/ прииди и вселися в ны,/ и очисти ны от всякия скверны,// и спаси, Блаже, души наша.
Глас 7
Тропарь Преображению, глас 7
Преобразился еси на горе, Христе Боже,/ показавый учеником Твоим славу Твою,/ якоже можаху,/ да возсияет и нам, грешным,/ свет Твой присносущный,/ молитвами Богородицы // Светодавче, слава Тебе.
Глас 8
Тропарь Пятидесятницы (дня Святой Троицы), глас 8
Благословен еси, Христе Боже наш,/ Иже премудры ловцы явлей,/ низпослав им Духа Святаго,/ и теми уловлей вселенную // Человеколюбче, слава Тебе.
Образцы некоторых песнопений знаменного распева
1. «Единородный Сыне»
Избранные песнопения литургии знаменного распева
Антифон (на 8 гласов)
Песнопения литургии1
Песнопения литургии2
Архивные ноты Андроников монастырь
Литургия и Всенощная
https://cloud.mail.ru/public/3fvP/7qGaAVsW6
https://cloud.mail.ru/public/9gmt/h9XyJYi2J